GoGo Blog

НУТГИЙН ЗӨВЛӨЛ, ОЮУТНЫ ХОЛБОО ТЭМЦЭЭН ЗОХИОН БАЙГУУЛАВ

http://chandmaniundur.blog.gogo.mn — Wed, 10 Mar 2010 16:55:26 ULAT

Энэ жил болох төрөлх сургуулийн 70 жилийн ойг угтаж Улаанбаатар хот дахь Нутгийн зөвлөл, Оюутны холбооноос санаачлан 2010 оны 1-р сарын 17-18 нд Чандмань-Өндөр сумын багууд, албан газар, аж ахуйн нэгж, иргэдийн дунд спортын арга хэмжээ зохион байгууллаа.Уг арга хэмжээнд гар бөмбөг, сагсан бөмбөг, олс таталт, буухиа уралдаан зэрэг төрлөөр нийтдээ 12 баг тамирчид оролцон авхаалж самбаа, хурд хүчээ сорьсон байна. Тэмцээний дүнг товч дурдвал:

Гар бөмбөг:

1-р байр 4-р баг, 2-р байр Сургуулийн 11-р анги, 3-р байр Тамгын газар

Сагсан бөмбөг:

1-р байр Сургуулийн 11-р анги , 2-р байр Хүүхдийн цэцэрлэг, 3-р байр Шивэрт баг

Олс таталт:

1-р байр Хөхөө баг, 2-р байр Нуурмагт баг, 3-р байр 4-р баг тус тус эзэлжээ.

Уг тэмцээнийг зохион байгуулахад идэвх чармайлт гарган ажилласан манай оюутан С.Нямринчин, С.Оюундарь нарт Нутгийн зөвлөл, Оюутны холбооны өмнөөс талархал илэрхийлье.

Уг тэмцээнээс хийсэн товч видео сурвалжлагыг үзнэ үү?

НУТГИЙН ҮЗЭСГЭЛЭН

http://chandmaniundur.blog.gogo.mn — Sun, 28 Feb 2010 23:25:17 ULAT

Эрхэм хүндэт нутгийн ахан дүүс Та бүгдэдээ Б.Даваахүүгийн авсан нутгийнхаа байгалийн зургуудаар бяцхан видео хийж танилцуулж байна. Таалан болгооно уу?

ШИНИЙН НЭГНИЙ ӨГЛӨӨ

http://chandmaniundur.blog.gogo.mn — Sun, 28 Feb 2010 22:21:43 ULAT

НУТГИЙН МАЛЧИДДАА ТУСАЛЦГААЯ

http://chandmaniundur.blog.gogo.mn — Thu, 7 Jan 2010 19:59:28 ULAT

ЭРХЭМ ХҮНДЭТ ЧАНДМАНЬ-ӨНДӨРЧҮҮДЭЭ!

МАНАЙ ОРОНД СҮҮЛИЙН 5 ЖИЛ БОЛЖ БАЙГААГҮЙГЭЭР ЭРС ХҮЙТЭРЧ , ОРОН НУТАГТ БУЙ МАЛЧДЫН МААНЬ ӨВӨЛЖӨӨ ХҮНДЭРЧ БАЙНА.

ИЙМ УЧРААС УЛААНБААТАР ХОТОД СУРЧ, АЖИЛЛАЖ , АМЬДАРЧ БАЙГАА НУТГИЙН ИРГЭД ТА БҮХНИЙГ ЧАНДМАНЬ-ӨНДӨР СУМИЙНХАА МАЛЧИД, ИРГЭДЭД ТУСЛАХ АЯН ӨРНҮҮЛЭХИЙГ УРИАЛЖ БАЙНА.

Цэгэрийн халуун усны рашааныг хамгаалья.

http://chandmaniundur.blog.gogo.mn — Tue, 13 Oct 2009 11:19:22 ULAT

Цэгэрийн халуун усны рашаан гэвэл манай Чандмань-Өндөрчүүд андахгүй. Халуун усны рашаан нь Чандмань-Өндөр сумын Ёлгос багын нутагт, сумын төвөөс 34 км-ийн зайд байдаг.

Цэгэрийн гол дагуу өндөр настан, өтгөс буурлууд эрт дээр үеэс нутаглаж ирсэн нь эмгэгийг анагаагч энэхүү рашаан булагтай холбоотой байж мэднэ.Ушгарын нурууны төгсгөлд, хөглийсөн ойн дунд хүнхийх толгойн ёроолоос урсан гарах Халуун ус хэмээх энэ рашаан олон зуун жилийн турш нутгийн зон олонд ач тусаа өгсөөр ирсэн юм. Ялангуяа элэг цөсний өвчтэй хүмүүст нэн сайн гэж нутгийнхан ихэд сүсэглэн дээдлэнэ. Ийм учраас Цэгэрийн халуун рашааныг элэг цөсний рашаан ч гэж нэрлэдэг. Рашааны онцлого нь хүхэр ихтэй.

Зуны дэлгэр цагт энэ рашаанд нутгийнхнаас гадна бусад аймаг, сумын рашаанчин, амрагчид олноор ирэх болжээ. Зарим зун амрагчдын тоо 200-300-д хүрдэг гэсэн мэдээ бий. Ийнхүү амрагчид ихээр ирэхийн сацуу рашааны хавь ойрын газрыг бохирдуулах, ой модыг огтолж сүйтгэх нь ихэсч байгаа нь туйлын харамсалтай.

Анхаарч хамгаалахгүй ийм байдлаар цаашид хандвал хүн ардад ач тусаа өгсөн энэ сайхан рашаан ус минь хэдэн жилийн дараа дундарч үгүй болох бий дээ гэж санаа зовох юм.

Халуун усны рашааны ундрагыг хамгаалах, хашаа, хоргыг нь засах, бие засах, хог хаях цэгийг шинээр байгуулах ажлыг зохион байгуулах нь зүйтэй мэт санагдана.

Дашрамд дурдахад Хөвсгөл аймгийн ИТХ-ын 2002 оны 7-р сарын 3-ны өдрийн 04-р тогтоолоор Цэгэрийн халуун усны рашааны 13,9 га газрыг Байгалийн үзэсгэлэнт газар гэсэн үндэслэлээр орон нутгийн тусгай хамгаалалттай газарт бүртгэн авчээ.

Төрсөн нутгийн үзэсгэлэн - ЗУРГИЙН ЦОМОГ

http://chandmaniundur.blog.gogo.mn — Tue, 6 Oct 2009 13:01:44 ULAT

Манай нутаг уул ус нь тэгширсэн, ургамал ногоо нь жигдэрсэн үнэхээр сайхан нутаг шүү. Нутгийнхаа зургуудаас Та бүхний мэлмийд толилуулж байна.

Бүрэг уул

Манай сумын төв- 2009 оны зун

Сумын төв- 2009 оны шинийн нэгний өглөө

Улсын наадам-2008 он

Ёлгосын бригад

Цэгэрийн ам

Булжихын ам

Талын зуслан

Халуун усны рашааны бэл - Өглөө

Хушдын даваа өөд

Нүдүүрт

Нуурмагтын голын өвөл

ЧАНДМАНЬ-ӨНДӨРЧҮҮДИЙН ХАРИЛЦАХ САМБАР

http://chandmaniundur.blog.gogo.mn — Thu, 24 Sep 2009 11:24:11 ULAST

Эрхэм хүндэт Чандмань-Өндөрчүүдээ

Та бүгдийн энэ өдрийн амгаланг айлтгахын ялдамд Чандмань-Өндөрчүүд блогт морилж санал сэтгэгдлээ бичихийг хүсье.

Мөн үзэсгэлэнт сайхан Чандмань-Өндөр сумынхаа түүх, зон олон, байгалийн үзэсгэлэнг магтан дуулсан , төрөлх нутгаа цаашид хэрхэн хөгжүүлэх талаарх Та бүгдийн бодол сэтгэгдлийг сонсоход таатай байна.

Булжих овогт Гэндээхүүгийн Даваацэрэн